საგარეო საქმეთა მინისტრის პირველი მოადგილე ლაშა დარსალია კანადის ელჩს შეხვდა
2025 წლის 10 აპრილს გაიმართა შეხვედრა საქართველოს საგარეო საქმეთა მინისტრის მოადგილეს, ლაშა დარსალიასა და საქართველოში კანადის ელჩს (რეზიდენციით თურქეთი, ქ. ანკარა), კევინ ჰამილტონს შორის.
შეხვედრაზე მხარეებმა კანადისა და საქართველოს ორმხრივი ურთიერთობების დღის წესრიგი და რეგიონში განვითარებული მოვლენები განიხილეს.
შეხვედრის ფარგლებში, კევინ ჰამილტონმა კვლავ დაადასტურა კანადის ურყევი მხარდაჭერა საქართველოს სუვერენიტეტის, ტერიტორიული მთლიანობისა და ქვეყნის ევროპული და ევროატლანტიკური ინტეგრაციისადმი.
მხარეებმა დაადასტურეს ქვეყნებს შორის არსებული ნაყოფიერი თანამშრომლობის გაგრძელებისა და ურთიერთობების გაღრმავების მზადყოფნა.
