რუსთავში მრავალშვილიან დედებთან შეხვედრა გაიმართა
ქალთა დღესასწაულებთან დაკავშირებით, რუსთავის ქალთა და ბავშვთა საკითხებზე მომუშავე მუნიციპალური საბჭო-ს ინიციატივით და იურიდიული დახმარების სამსახური-ს მხარდაჭერით, მრავალშვილიან დედებთან შეხვედრა გაიმართა.
შეხვედრაზე განიხილეს ქალთა უფლებები და ოჯახში ძალადობის პრევენციის საკანონმდებლო მექანიზმები, ასევე ყურადღება გამახვილდა უფასო სამართლებრივ სერვისებზე. ღონისძიების ფარგლებში მონაწილეებს სიმბოლური საჩუქრები გადაეცათ.
რუსთავის მედიათეკა-ში გამართულ შეხვედრას ესწრებოდნენ საბჭოს თავმჯდომარე მარინა ლიპარტელიანი, საბჭოს წევრები, იურიდიული დახმარების სამსახურის ხელმძღვანელი დავით სიმონია და რუსთავის ბიუროს წარმომადგენლები.
მუნიციპალური საბჭოს სამოქმედო გეგმის ფარგლებში მსგავსი თემატური შეხვედრები ეტაპობრივად გაგრძელდება.