რუსთავში კიდევ ერთი ქუჩის საცხოვრებელი კორპუსების რეაბილიტაცია მიმდინარეობს
რუსთავში, მესხიშვილის ქუჩაზე, საცხოვრებელი კორპუსების რეაბილიტაციის პროცესი მიმდინარეობს. პირველ ეტაპზე რეაბილიტაცია მიმდინარეობს N4 და N5 კორპუსებში.
პროექტის ფარგლებში განხორციელდება:
- ფასადების თბოიზოლაციური მასალით შეფუთვა, რაც უზრუნველყოფს საცხოვრებელი კორპუსების ენერგოეფექტურობას;
- მეტალოპლასტმასის ახალი ფანჯრების მოწყობა;
- აივნების სრული განახლება.
პროექტის საერთო ღირებულება შეადგენს 2 498 787 ლარს და ფინანსდება სახელმწიფო ბიუჯეტიდან.
ბოლო ოთხი წლის განმავლობაში რუსთავში, გამაგრება-რეაბილიტაცია ჩაუტარდა 78 კორპუსს. ამჟამად რეაბილიტაციის პროცესი მიმდინარეობს რუსთაველის ქუჩაზეც.
