რუსთავში ისტორიული უბნების რესტავრაციის ფარგლებში რუსთაველის ქუჩის რეაბილიტაციის მესამე ეტაპი მიმდინარეობს
პროექტის ფარგლებში სამუშაოები აქტიურ ფაზაშია და ამ ეტაპზე მიმდინარეობს საცხოვრებელი კორპუსების – N27, N29, N31, N35, N38, N40, N42, N44 და N46 – რეაბილიტაცია.
ქალაქის მერი ნინო ლაცაბიძე და საკრებულოს თავმჯდომარე მამუკა რეხვიაშვილი სამუშაოებს ადგილზე გაეცნენ.
მერის განცხადებით, რუსთაველის ქუჩის რეაბილიტაცია დასკვნით ეტაპზეა და პროექტის ფარგლებში უკვე 22 კორპუსის ავთენტურობა აღდგა, ხოლო დამატებით 9 კორპუსზე სამუშაოები გრძელდება. მისი თქმით, პროექტი შენობების გამაგრებასა და ისტორიული იერსახის სრულ შენარჩუნებას ითვალისწინებს.
რუსთაველის ქუჩის რეაბილიტაციის პროექტი სახელმწიფო ბიუჯეტიდან ფინანსდება და მისი საერთო ღირებულება 6 466 736 ლარს შეადგენს.