რა შეიცვლება 15 იანვრიდან საბავშვო ბაღებში
თბილისის საბავშვო ბაგა-ბაღებში 15 იანვრიდან სააღმზრდელო პროცესი მნიშვნელოვანი სიახლით განახლდება – სრულად ამოქმედდება ელექტრონული დაშვების სისტემა. ამის შესახებ დედაქალაქის მერმა კახა კალაძემ განაცხადა.
პროექტის ფარგლებში:
- დამონტაჟდა ბარათის წამკითხველები და ვიდეოკონტროლის სისტემები
- გადამზადდნენ ბაღების ადმინისტრაციები და სააგენტოს სპეციალისტები
- მიმდინარეობს საინფორმაციო შეხვედრები მშობლებთან
👨👩👧 მშობლებს შესაძლებლობა ექნებათ სპეციალურ პორტალზე – www.tbilisikids.com – დარეგისტრირდნენ და ერთჯერადი QR-კოდი დააგენერირონ, რომელიც ბაღში შესვლისას დაფიქსირდება.
🔑 თითოეული აღსაზრდელის ოჯახს გადაეცემა მაქსიმუმ 8 პლასტიკური ბარათი, რათა ბავშვების აღრიცხვა შეუფერხებლად მოხდეს სხვადასხვა სიტუაციის დროს.
📊 მერის თქმით, სისტემა:
- 100%-იანი სიზუსტით აღრიცხავს ბავშვებისა და თანამშრომლების დასწრებას
- ხელს შეუწყობს ფინანსების რაციონალიზაციას
- დაზოგავს ადამიანურ, დროისა და ტექნიკურ რესურსებს
ℹ️ ელექტრონული სისტემა საპილოტე რეჟიმში 20 ბაღში 16 სექტემბრიდან მუშაობდა და ამ დროის განმავლობაში ხარვეზი არ გამოვლენილა.