პოლონეთის ქალაქ ლუბლინში ევროკავშირის ახალგაზრდული კონფერენცია გაიმართა, სადაც ახალგაზრდობის სააგენტომ დელეგატები – ელზა შამათავა, თეკლა თიკანაშვილი და ნინო ჯაფარიძე წარადგინა
ევროკავშირის ახალგაზრდული კონფერენციის მიზნებია:
ახალგაზრდების აქტიური მონაწილეობის უზრუნველყოფა გადაწყვეტილების მიღების პროცესში;
ევროკავშირისა და ახალგაზრდების კავშირის გაძლიერება – საერთო ღირებულებებსა და დემოკრატიაზე დაფუძნებული ერთიანობის შექმნა;
ახალგაზრდული პოლიტიკის გაუმჯობესება და ევროკავშირის ახალგაზრდული სტრატეგიის განხორციელების ხელშეწყობა.
ახალგაზრდა დელეგატებმა მონაწილეობა მიიღეს სხდომებსა და სამუშაო შეხვედრებში, სადაც განხილული იყო ისეთი საკითხები, როგორებიცაა: ევროკავშირი და უსაფრთხოება, ციფრული სამყარო, ახალგაზრდული დიალოგი და სხვა.
კონფერენცია, რომელსაც 40 ქვეყნიდან 300-მდე ახალგაზრდა ესწრებოდა, ევროპის ახალგაზრდული დიალოგის XI ციკლის ფარგლებში ჩატარდა.
ახალგაზრდობის სააგენტო • Youth Agency
