მარნეულში არასრულწლოვანზე განხორციელებული წნეხისა და გამოძალვის საქმეზე სამი პირი დაკავებულია

შინაგან საქმეთა სამინისტრომ მარნეულში არასრულწლოვანზე ძალადობისა და გამოძალვის მძიმე ფაქტი გამოავლინა. პოლიციამ დააკავა სამი პირი – ე.გ. (2001 წ.), ნ.ა. (2002 წ.) და ა.მ. (2000 წ.), რომლებიც წარსულში სხვადასხვა დანაშაულისთვის ნასამართლევები არიან.

გამოძიების მიხედვით, ბრალდებულებმა 2003 წელს დაბადებულ რ.ბ.-ს ბანქოს თამაშის შემდეგ დანაშაულებრივად მოსთხოვეს 20 000 ლარის გადახდა. მოგვიანებით, მუქარითა და ფიზიკური ძალადობით გამოსძალეს 6 500 აშშ დოლარი და 2 800 ლარი.

შემდეგ, ბრალდებულებმა რ.ბ. 28 ნოემბერს ძალით წაიყვანეს, სცემეს, გააშიშვლეს და გადაიღეს ფოტო-ვიდეო მასალა, რომლის გასაჯაროებითაც დაემუქრნენ. ზეწოლის შედეგად, რ.ბ.-მ თვითმკვლელობა სცადა.

სამივე პირი პოლიციამ მალევე დააკავა.
გამოძიება მიმდინარეობს სსკ-ის 144-ე ტერცია, 115-ე, 143-ე, 157-ე პრიმა და 181-ე მუხლებით, რაც 10 წლამდე თავისუფლების აღკვეთას ითვალისწინებს.