მარნეულის მუნიციპალიტეტის კულტურის სახლის სცენაზე სპექტაკლი „დარიანი“ დაიდგა
მარნეულის მუნიციპალიტეტის კულტურის სახლის სცენაზე მაყურებლის წინაშე სპექტაკლი „დარიანი“ წარდგა, რომელიც ქართველი პოეტის, ელენე ბაქრაძე-დარიანის ცხოვრებასა და შემოქმედებას ეძღვნება.
თანამედროვე მხატვრული ხედვით შექმნილი დადგმა პოეზიის, მეხსიერებისა და იმ ხმების შესახებ მოგვითხრობს, რომლებიც ისტორიის განმავლობაში ხშირად შეუმჩნეველი რჩებოდნენ. სპექტაკლი მაყურებელს სიტყვის ძალაზე, პოეზიის მარადიულ მნიშვნელობასა და კულტურულ მემკვიდრეობაზე დაფიქრების შესაძლებლობას აძლევს.
„დარიანმა“ კიდევ ერთხელ წარმოაჩინა ელენე ბაქრაძე-დარიანის შემოქმედების განსაკუთრებული მნიშვნელობა და ის ღირებულებები, რომლებიც დროს უძლებს და დღემდე აგრძელებს დიალოგს საზოგადოებასთან. დადგმამ მაყურებლის დიდი ინტერესი და მოწონება დაიმსახურა.