ლიკა კუჭუხიძე სოციალურ ქსელში ემოციურ პოსტს აქვეყნებს – „უშენოდ ყველაფერმა აზრი დაკარგა… მენატრები ტკივილამდე“
,,ვიყურები კარებისკენ , იქნებ ისე როგორც მაშინ, შემოხვიდე ოთახში, გამახარო და დამხვდე ასე ბედნიერი სახით. ეს მე-17 წელი იყო საუკეთესო წელი ჩემს ცხოვრებაში, როგორ გინდოდა რომ სულ გაგაეხარებინე და ამას ახერხებდი კიდევაც. იცი? უშენოდ ყველაფერმა აზრი დაკარგა ჩემს ცხოვრებაში, არაფერი აღარ მახარებს გარდა ჩვენი ტკბილი მოგონებებისა რომელიც შენ დამიტოვე მოსაგონებლად. მიყვარხარ უზომოდ, უსაზღვროდ. მენატრები ტკივილამდე ჩემო ცხოვრებავ.”- წერს სოციალურ ქსელში ლიკა კუჭუხიძე.
2025 წლის 24 ოქტომბერს, სამტრედია-აბაშის გზაზე მომხდარი უმძიმესი ავტოსაგზაო შემთხვევის შედეგად ბაჩო ლასარეიშვილი გარდაიცვალა, რომელიც რამდენიმე თვის წინ თავის რჩეულზე, ლიკა კუჭუხიძეზე დაქორწინდა. ტრაგედიამ საქართველო შეძრა. დღეს კი ლიკას დაბადების დღეა.