ირაკლი კობახიძე: „საქართველოს მასშტაბით არცერთი გაურემონტებელი სკოლა აღარ უნდა დარჩეს“
პრემიერ-მინისტრ ირაკლი კობახიძის განცხადებით, სახელმწიფოს სტრატეგიული მიზანია, ქვეყნის ყველა სკოლა ეტაპობრივად სრულად განახლდეს. მისი თქმით, ეს პროცესი წლების განმავლობაში ეტაპობრივად განხორციელდება, თუმცა საშუალოვადიან პერიოდში შედეგის მიღწევა რეალისტურია.
კობახიძის თქმით:
- მიზანია, რომ საქართველოში არც ერთი გაურემონტებელი სკოლა აღარ დარჩეს;
- სრულ რეფორმას რამდენიმე წელი დასჭირდება;
- ინფრასტრუქტურისა და სწავლების შინაარსის ერთობლივი განვითარებით, 4-5 წელიწადში ქვეყანას ექნება პირველი „ხელშესახები შედეგები“.
პრემიერმა აღნიშნა, რომ განათლება სახელმწიფოს ერთ-ერთი მთავარი პრიორიტეტია და პროექტები საიმისოდ ხორციელდება, რომ მოსწავლეებმა თანამედროვე სტანდარტების შესაბამის გარემოში მიიღონ ხარისხიანი განათლება.