თბილისში ფარიკაობის მსოფლიოს ჩემპიონატი დასრულდა

თბილისმა ფარიკაობის მსოფლიო ჩემპიონატს პირველად უმასპინძლა – და როგორ დასამახსოვრებლად!
120 ქვეყნის 1205 საუკეთესო მოფარიკავე საქართველოს დედაქალაქში შეიკრიბა, მაგრამ ჩემპიონატის მთავარი გმირი სწორედ ჩვენიანები იყვნენ.

💥 სანდრო ბაზაძემ ისტორია დაწერა!
ფინალში ფრანგი ჟან-ფილიპ პატრისი 15:9 დაამარცხა და ინდივიდუალურ ასპარეზობაში პირველი ქართველი მსოფლიოს ჩემპიონი გახდა ხმლით ფარიკაობაში.

📌 ტურნირის უმაღლეს დონეზე ორგანიზებისთვის საქართველომ საერთაშორისო აღიარება მოიპოვა.
ასეთი დღეები რჩება მეხსიერებაში – როცა შენი ქვეყანა მსოფლიო რუკაზე სპორტის წამყვან მოთამაშედ იქცევა!

ტურნირის ოფიციალური დახურვის ცერემონია „თბილისი არენაზე“ გაიმართა, სადაც საერთაშორისო ფარიკაობის ფედერაციის დროშა ჩემპიონატის შემდეგი მასპინძელი ქვეყნის – ჰონგ-კონგის (ჩინეთი) – წარმომადგენლებს გადაეცა.