დმანისში სოფლის მხარდაჭერის პროგრამის ფარგლებში მოსახლეობასთან შეხვედრები გრძელდება
სოფლის მხარდაჭერის პროგრამის ფარგლებში, პრიორიტეტების განსაზღვრის მიზნით, დმანისის მუნიციპალიტეტში მოსახლეობასთან შეხვედრები აქტიურად მიმდინარეობს. პროგრამის შესახებ ინფორმირებისა და სოფლებში არსებული საჭიროებების გამოვლენის მიზნით, შეხვედრები გაიმართა შახმარლოს, კამარლოს, ქარიანის, დაგარახლოს, იფნარის, კიზილაჯლოს, საჯასა და ბახჩალარის მოსახლეობასთან.
დმანისის მუნიციპალიტეტის საკრებულოს თავმჯდომარის, პაატა ყულიაშვილის განცხადებით, პროგრამის მიზანია სოფლებში ინფრასტრუქტურის განვითარება და ადგილობრივი თვითმმართველობის პროცესში მოსახლეობის აქტიური ჩართულობის გაძლიერება.