დავით ქაჯაიამ „ევრონასკარის“ ვალენსიის ეტაპზე „ჩელენჯერის თასზე“ მეორე ადგილი დაიკავა
საქართველოს სპორტის სამინისტროს მხარდაჭერით ისტორიაში პირველად ქართველი მრბოლელები დავით ქაჯაია და სანდრო თავართქილაძე „EuroNASCAR“-ზე ასპარეზობენ. „NASCAR“-ის ევროპის სერიების ვალენსიის ეტაპზე, პირველი რაუნდის შემდეგ, დავით ქაჯაიამ „ჩელენჯერის თასზე“ მეორე ადგილი დაიკავა.
დავით ქაჯაია „პრო“ დივიზიონში ასპარეზობს, სანდრო თავართქილაძე კი „ღია“ კატეგორიაში. ვალენსიის ეტაპის მეორე რაუნდი 13 აპრილს გაიმართება.
„ევრონასკარის“ ფარგლებში სულ შვიდი ეტაპი იმართება. ქართველმა მრბოლელებმა „NASCAR“-ის ევროპის სერიებში ასპარეზობის უფლება მას შემდეგ მოიპოვეს, რაც იტალიაში კრემონას ავტოდრომზე 2025 წლის წინასასეზონო ტესტებზე პირველი და მეორე ადგილები დაიკავეს.
