გურამ თუშიშვილი ავსტრიის „გრან-პრის” ჩემპიონია
ავსტრიის ქალაქ ლინცში ძიუდოს „გრან-პრი” მიმდინარეობს. ტურნირზე ქართველმა ძიუდოისტმა გურამ თუშიშვილმა (+100 კგ) ჩეხი ლუკაშ კრპალეკი დაამარცხა და ჩემპიონობა იზეიმა.
ფინალამდე გურამ თუშიშვილმა ავსტრიელ და კვიპროსელ სპორტსმენებს სძლია, ნახევარფინალში კი უკრაინელი ევგენი ბელიევსკი დაამარცხა.
ავსტრიის „გრან-პრიზე” საქართველოს ძიუდოისტთა ნაკრებმა სამი მედალი მოიპოვა. გიორგი ჯაბნიაშვილმა ოქრო, ტატო გრიგალაშვილმა კი ვერცხლი მიიღო.
ქართველი ძიუდოისტები ავსტრიის „გრან-პრიზე” სპორტის სამინისტროს მხარდაჭერით იმყოფებოდნენ.