ბათუმში ღვთისმშობლის წილხვდომილობისადმი მიძღვნილი ფესტივალი იმართება
რომელიც დღეს ბათუმის სახელმწიფო დრამატულ თეატრში გაიხსნა და ორი დღის განმავლობაში გაგრძელდება.
ღონისძიების ფარგლებში, მაყურებელი სხვადასხვა თემატურ ლიტერატურასა და ხელოვნების ნიმუშებს გაეცნობა, ნაჩვენები იქნება ფრაგმენტები დოკუმენტური ფილმებიდან.
ფესტივალში მონაწილეობენ სასულიერო პირები, საქართველოს ტაძრების მგალობლები, სალოტბარო სკოლები, მუსიკოს-შემსრულებლები და მსახიობები.
ფესტივალი უწმინდესისა და უნეტარესის სრულიად საქართველოს კათოლიკოს-პატრიარქის ილია II-ის, ბათუმისა და ლაზეთის მიტროპოლიტ დიმიტრის ლოცვა-კურთხევითა და ბათუმის მერიის მხარდაჭერით იმართება.
