აფხაზეთის ომის გმირების ხსოვნას პატივი მიაგეს
აფხაზეთში საომარი მოქმედებების დაწყებიდან 33 წელი შესრულდა. ამ თარიღთან დაკავშირებით, საქართველოს თავდაცვის მინისტრის მოადგილე გრიგოლ გიორგაძე და თავდაცვის ძალების მეთაურის მოადგილე, გენერალური შტაბის უფროსი გენერალ-მაიორი ჯონი ტატუნაშვილი გმირთა მოედანზე იმყოფებოდნენ.
თავდაცვის უწყების ხელმძღვანელმა პირებმა აფხაზეთის ავტონომიური რესპუბლიკის მთავრობისა და უმაღლესი საბჭოს წარმომადგენლებთან ერთად პატივი მიაგეს საქართველოს ერთიანობისათვის ბრძოლებში დაღუპულთა ხსოვნას და მემორიალი გვირგვინით შეამკეს.
