აზერბაიჯანის ავიახაზები რუსეთის შვიდ ქალაქში შეწყვეტს ფრენებს
აზერბაიჯანის ავიახაზები არ განახორციელებს ფრენებს მინერალნიე ვოდის, სოჭის, ვოლგოგრადის, უფას, სამარას, გროზნოსა და მაჰაჩყალას მიმართულებით. გადაწყვეტილება უსაფრთხოების რისკების გამო მიიღეს.
“Embraer 190-ის ავიაკატასტროფის წინასწარი გამოძიების შედეგებისა და ფრენის უსაფრთხოების შესაძლო რისკების გათვალისწინებით, ფრენების შეწყვეტის გადაწყვეტილება მივიღეთ.” – განაცხადა ავიაკომპანიამ.
მგზავრებს სთავაზობენ ამ მიმართულებით უკვე შეძენილი ბილეთების დაბრუნებას ან სხვა რეისზე გაცვლას.
Euronews-მა აზერბაიჯანის მთავრობაში წყაროებზე დაყრდნობით დაწერა, რომ აზერბაიჯანული ავიახაზების თვითმფრინავის კატასტროფის მიზეზი რუსეთის საზენიტო რაკეტა გახდა. ბაქოდან გროზნოსკენ მიმავალი თვითმფრინავი, 24 დეკემბერს, ყაზახეთის ქალაქ აქტაუს ტერიტორიაზე ჩამოვარდა. შემთხვევას 38 ადამიანი ემსხვერპლა.
