🚧 თბილისის შემოსავლელზე მოძრაობის შეზღუდვა გაგრძელდა – გზა ნაწილობრივ დაკეტილია 28 ოქტომბრის ჩათვლით

საერთაშორისო მნიშვნელობის თბილისის შემოსავლელის საავტომობილო გზის 45-ე კმ-ზე მიმდინარე რკინიგზის გზაგამტარის სარეაბილიტაციო სამუშაოების გამო, აღნიშნულ მონაკვეთზე ავტოტრანსპორტის მოძრაობა კვლავ ნაწილობრივად შეზღუდულია.

🔺 შეზღუდვის სქემა:

• რუსთავი-ზაჰესის მიმართულებით ავტომანქანები გადაადგილდებიან სოფელ ყარათაკლიადან შიდასახელმწიფოებრივი მნიშვნელობის თბილისი(ველი)-გაჩიანი-რუსთავისა და გამარჯვება-რუსთავის გზების გავლით, საიდანაც მოძრაობა სოფელ გამარჯვებაში უერთდება საერთაშორისო მნიშვნელობის საავტომობილო გზას.
• ზაჰესი-რუსთავის მიმართულებით მოძრაობა პირველ ეტაპზე მარჯვენა, ხოლო მეორე ეტაპზე მარცხენა სამოძრაო ზოლზე განხორციელდება.

🛠 სამუშაოების დასრულება დაგეგმილი იყო 2025 წლის 28 სექტემბრისთვის, თუმცა ვადა გახანგრძლივდა 28 ოქტომბრის ჩათვლით.

👉 მოქალაქეებს სთხოვენ, გადაადგილებისას გაითვალისწინონ აღნიშნული ცვლილებები და დაემორჩილონ გზის მონაკვეთზე არსებულ ნიშნებსა და მიმართულებებს.