🕊️ მართლმადიდებელი ეკლესია სამი წმინდა დის – მინადორას, მიტროდორას და ნიმფოდორას ხსენების დღეს აღნიშნავს

დღეს მართლმადიდებელი ეკლესია მოწამე დების – მინადორას, მიტროდორას და ნიმფოდორას ხსენების დღეს აღნიშნავს.

წმინდანები წარმოშობით ბითვინიიდან (მცირე აზია) იყვნენ. ღვთისმოშიშებით განმსჭვალულმა დებმა გადაწყვიტეს, სოფლის ამაოებას გასცლოდნენ და ბერთან ერთად, უდაბნოში განმარტოვებულიყვნენ, სადაც მარხვითა და ლოცვით ცხოვრობდნენ. უფალმა მათ სასწაულებრივი კურნების ნიჭი მიანიჭა, რის შედეგადაც მათი სახელი მალე შორს გავრცელდა.

დების წინააღმდეგ მკაცრი დევნა დაიწყო. ოლქის მმართველმა ბრძანა მათი დაჭერა და ქრისტეს უარყოფაზე დათანხმება. წმინდა მინადორა წამების დროს მოწამებრივად აღესრულა, 4 დღის შემდეგ იგივე ბედი გაიზიარა წმინდა მიტროდორამ, ხოლო ბოლოს წმინდა ნიმფოდორაც აწამეს. მათი უხრწნელი ნაწილები დღესაც მოიპოვება: ერთი ნაწილი ათონის მთაზე, პატოკრატორის სავანეში, ხოლო ნაწილი – რუსეთში.

სამი წმინდა და დიდი მეოხნი არიან საქართველოსთვისაც. გადმოცემით, ერთ მორწმუნე რუს ადამიანს, სახელად გიორგი, უფლის ანგელოზი გამოეცხადა და სთხოვა, მათი ხატი დაეწერა, რათა მშვიდობა დამკვიდრებულიყო ოჯახებსა და საზოგადოებაში. გიორგის დედას, ნადეჟდას კი 2000 წელს ეცხადებოდა მამა გიორგი ათონელი და წმინდა ივერიელი მეფე – როგორც შემდგომ გაირკვა, ეს მეფე დავით აღმაშენებელი იყო. მათ ნათელმცემელს აუწყეს, რომ საქართველო კვლავაც გაბრწყინდებოდა, და რომ ხატი ქართველებისთვის უნდა გადაეცათ.

ხატი 2008 წელს ჩამოიტანეს საქართველოში და სვეტიცხოველში დაასვენეს. საქართველოს კათოლიკოს-პატრიარქის ლოცვა-კურთხევით, იმავე წელს აშენდა წმ. პეტრე-პავლეს კომპლექსში მცირე ტაძარი, რომელიც სამი წმინდა დის სახელს უკავშირდება. აღსანიშნავია, რომ დედა ნადეჟდა იმავე დღეს აღესრულა, რა დღესაც გამოეცხადა წმ. სერაფიმე საროველი – 15 იანვარს.

💕 ტროპარი

წყლულებანი იგი უფალო, წმიდათა შენთანი, რომელნი შენთვის თავს ისხნეს, მიიხვენ აწ მეოხებად ჩუენთვის, და ყოველნივე სენნი ჩუენნი განკურნე, კაცთმოყვარე, გევედრებით.
კონდაკი
ყოველივწ მხედრობაი ქუეყანისა დაუტევეთ და ზეცათა მეუფესა შეუდექით, ღუაწლით შემოსილნო უფლისანო ორმეოცნო, ცეცხლი და წყალი განვლეთ თქვენ , სანატრელნო, და ღირსებით მოიგეთ დიდებაი, იგი ზეცათა და სიმრავლე გვირგვინთა.
შეგვეწიე ყველა ქართველს , ჩვენო ძვირფასო წმიდა დაიკოებო

გვიყვარდეს უფალი და ერთმანეთი, იყოს მშვიდობა ქვეყანასა ზედა და კაცთა შორის სათნოება