🔹 პლასტიკის მოხმარების რეგულაციაზე გარემოს დაცვისა და სოფლის მეურნეობის სამინისტროში სამუშაო შეხვედრა გაიმართა

გარემოს დაცვისა და სოფლის მეურნეობის მინისტრის პირველმა მოადგილემ, ნინო თანდილაშვილმა, მინისტრის მოადგილეებთან და სამინისტროს სხვადასხვა სტრუქტურის ხელმძღვანელებთან ერთად, სამუშაო შეხვედრა გამართა, სადაც სურსათთან შემხებლობაში მყოფი პლასტიკის მოხმარების რეგულირების საკითხი განიხილეს.

შეხვედრაზე განსაკუთრებული ყურადღება დაეთმო გაეროს განვითარების პროგრამის (UNDP) მიერ განხორციელებული პროექტის შედეგებს, რომლებიც ეხება ერთჯერადი გამოყენების პლასტიკის მავნე ზეგავლენას ადამიანის ჯანმრთელობაზე და გარემოზე.

📌 ნინო თანდილაშვილმა ხაზი გაუსვა სახელმწიფო, კერძო და დონორი სექტორების კოორდინირებულ მუშაობას, როგორც ერთ-ერთ მთავარ გზას პრობლემის გადასაჭრელად.

ასევე განხილული იყო მსოფლიო ბანკის მიერ შავი ზღვის გალურჯების (BBSEA) პროგრამის ფარგლებში მომზადებული ანგარიში, რომელიც პლასტმასით დაბინძურების შემცირებას ეხება.

👉 სამინისტროს მხრიდან ბიზნესთან აქტიური კომუნიკაციაა დაგეგმილი, რათა განხორციელდეს პლასტიკის უსაფრთხო ალტერნატივებით ჩანაცვლება.