შეფასებისა და გამოცდების ეროვნული ცენტრის ორგანიზებით საინფორმაციო შეხვედრა აბიტურიენტებთან ამჯერად ქალაქ გორში გაიმართა
ცენტრის დირექტორმა ნინო წერეთელმა და ცენტრის იურიდიული სამსახურის უფროსმა ანა მაისურაძემ გამოსაცდელებს 2025 წლის რეგისტრაციის პროცესთან დაკავშირებით დეტალური ინფორმაცია მიაწოდეს. ცენტრის წარმომადგენლებმა აბიტურიენტებთან ასევე ისაუბრეს ისეთ მნიშვნელოვან დეტალებზე, რომელთა გათვალისწინებაც აუცილებელია საგამოცდო პროცესის დროს.
გარდა პირისპირ შეხვედრებისა, იმართება ონლაინ ღია კარის დღეებიც, რომლებზე დასწრებაც ნებისმიერ მსურველს შეუძლია.
ინფორმაციას შეფასებისა და გამოცდების ეროვნული ცენტრი ავრცელებს.
