შემნახველი და გადამმუშავებელი ინფრასტრუქტურის განვითარების მიზნით, სახელმწიფო აქტიურად აგრძელებს სექტორის მხარდაჭერას

სახელმწიფო აგრძელებს აქტიურ მხარდაჭერას სოფლის შემნახველი და გადამმუშავებელი ინფრასტრუქტურის განვითარების მიმართულებით.
ამ მიზნისთვის მოქმედებს სპეციალური პროგრამა – „გადამმუშავებელი და შემნახველი საწარმოების თანადაფინანსება“, რომლის ფარგლებში მთელი საქართველოს მასშტაბით უკვე 111 საწარმო შეიქმნა.

💰 სოფლის განვითარების სააგენტოს მხრიდან ამ საწარმოების მხარდაჭერაზე გაწეული თანადაფინანსება 51 მილიონ ლარზე მეტია – რაც იმას ნიშნავს, რომ ადგილობრივი წარმოება და გადამუშავება სულ უფრო ძლიერი და კონკურენტუნარიანი ხდება.

რატომ არის ეს მნიშვნელოვანი?
➡️ ადგილობრივად წარმოებული პროდუქტები უკეთესად ინახება და მეტი ფასი აქვს;
➡️ ფერმერებს უფრო მარტივად შეუძლიათ თავიანთი მოსავლის რეალიზაცია;
➡️ რეგიონებში იქმნება ახალი სამუშაო ადგილები;
➡️ საბოლოოდ, სურსათი ჩვენამდე უფრო ხარისხიანად და სწრაფად მოდის.

📌 სოფლის განვითარების სააგენტო მსგავს პროგრამებს მომავალშიც განაგრძობს. ასე რომ, თუ ფერმერი ხარ ან სოფელში გინდა საქმიანობის დაწყება – თვალი ადევნე პროგრამებს, შეიძლება შემდეგი შენ იყო!