ქვემო ქართლში მუნიციპალიტეტების გრძელვადიანი განვითარების სტრატეგიების პროექტები განიხილეს
რეგიონული ადმინისტრაციის შენობაში გამართულ შეხვედრაზე, მუნიციპალიტეტების ხელმძღვანელებმა საქართველოს რეგიონული განვითარების მინისტრს გრძელვადიანი განვითარების გეგმები წარუდგინეს და პრიორიტეტულ მიმართულებებზე ისაუბრეს.
სტრატეგიები მოიცავს ეკონომიკის განვითარებას, ინფრასტრუქტურის გაუმჯობესებას, განათლების, ჯანდაცვის, კულტურისა და გარემოს დაცვის მიმართულებებს.
შეხვედრაზე ასევე ხაზი გაესვა ადგილობრივი და ცენტრალური ხელისუფლების კოორდინაციის მნიშვნელობას, რაც დაგეგმილი პროექტების ეფექტიან განხორციელებას უზრუნველყოფს.