ქართველი მოჭიდავე გელა ბოლქვაძე საერთაშორისო სარეიტინგო ტურნირის ვიცე-ჩემპიონია
ალბანეთის დედაქალაქ ტირანაში 2025 წლის სეზონის მეორე სარეიტინგო ტურნირი მიმდინარეობს. ქართველმა ბერძნულ-რომაული სტილით მოჭიდავე გელა ბოლქვაძემ (82 კგ) ფინალურ შეხვედრში ტრავმის გამო ასპარეზობა ვერ შეძლო და ვერცხლის მედალს დაეუფლა.
ფინალურ დაპირისპირებამდე მან უნგრელი და ყატარელი მოწინააღმდეგეები დაამარცხა, ნახევარფინალში კი შვეიცარიელ მეტოქეს სძლია.
ქართველი სპორტსმენები ალბანეთის საერთაშორისო სარეიტინგო ტურნირზე სპორტის სამინისტროს მხარდაჭერით იმყოფებიან.