საგამოძიებო კომისიის სხდომაზე დღეს მედიისა და გამოხატვის თავისუფლების უხეში დარღვევის ფაქტებზე ჟურნალისტები ისაუბრებენ
პარლამენტში დროებითი საგამოძიებო კომისიის მორიგი სხდომა დღეს გაიმართება. განსახილველი საკითხია მედიისა და გამოხატვის თავისუფლების უხეში დარღვევის ფაქტები.
კომისიის სხდომაზე მიწვეული არიან ჟურნალისტები: გიორგი იაკობაშვილი, ვახტანგ ხუზმიაშვილი, გიორგი მამაცაშვილი, ბექა სივსივაძე და ბონდო მძინარაშვილი.
საგამოძიებო კომისია 2003-12 წლებში მომხდარ ფაქტებს განიხილავს.
