რა უნდა ვიცოდეთ შინაური ცხოველის საზღვარზე გადაყვანისას? სასარგებლო ინფორმაცია მეპატრონეებისთვის ტურისტულ სეზონზე

ტურისტული სეზონის პიკში შინაური ცხოველებით მოგზაურობა კიდევ უფრო აქტუალური გახდა. განსაკუთრებით შავიზღვისპირეთში შესამჩნევად იმატა ძაღლებისა და კატების რაოდენობამ, რაც ცხოველების საზღვარზე გადაყვანის საკითხს მეტად მნიშვნელოვანს ხდის.

➡️ საქართველოში შემოსვლა
შინაური ცხოველის (ძაღლი/კატა) საქართველოში შემოყვანისას აუცილებელია:

• ვეტერინარული სერტიფიკატი — რომელიც ადასტურებს, რომ ცხოველი ჯანმრთელია;
• ვაქცინაციის ისტორია — ცხოველს ჩატარებული უნდა ჰქონდეს ძირითადი ვაქცინაციები, მათ შორის ცოფის საწინააღმდეგო ვაქცინა;
• მიკროჩიპი (რეკომენდებულია) — ცხოველის იდენტიფიკაციისთვის.

➡️ საქართველოდან გატანა
ქვეყნის დატოვებისას ცხოველის მეპატრონემ უნდა მიმართოს სურსათის ეროვნული სააგენტოს რეგიონულ ოფისს (მაგალითად, ბათუმში, გოგებაშვილის ქუჩაზე), სადაც:

• ცხოველი შეირჩევა კლინიკური შემოწმებისთვის;
• საჭიროების შემთხვევაში ჩაუტარდება დამატებითი ვაქცინაცია;
• გაიცემა საექსპორტო ვეტერინარული სერტიფიკატი.

📍 ეს პროცედურა უზრუნველყოფს შინაური ცხოველის უსაფრთხო გადაადგილებას საზღვარზე და წარმოადგენს კანონით დადგენილ მოთხოვნას.

ℹ️ დამატებითი ინფორმაციისთვის შეგიძლიათ ეწვიოთ –https://www.facebook.com/share/p/1DQtcHDYcC/?mibextid=wwXIfr

❗გაითვალისწინეთ, რომ თითოეულ ქვეყანას ცხოველის შეყვანაზე საკუთარი რეგულაციები აქვს — სერტიფიკატის მიღებამდე სასურველია წინასწარ შეამოწმოთ მიმღები ქვეყნის მოთხოვნები.