მარნეულში წყალმომარაგების პროექტის პარალელურად საგზაო ინფრასტრუქტურის აღდგენა მიმდინარეობს
ქალაქ მარნეულში წყალმომარაგების პროექტის ფარგლებში საგზაო ინფრასტრუქტურის მოწესრიგების სამუშაოები ეტაპობრივად ხორციელდება.
ამ ეტაპზე მაღალაშვილის ხიდის ქვეშ ასფალტის საფარი დაიგო, რამაც ტრანსპორტის გადაადგილება მნიშვნელოვნად გააუმჯობესა.
პროექტი აზიის განვითარების ბანკის დაფინანსებით, საქართველოს რეგიონული განვითარებისა და ინფრასტრუქტურის სამინისტროს დაკვეთით, გაერთიანებული წყალმომარაგების კომპანიის მიერ ხორციელდება.
სამუშაოები ქალაქის სხვა მონაკვეთებშიც ეტაპობრივად გაგრძელდება.