მარნეულის მუნიციპალიტეტის სოფელ შაუმიანში სასმელი წყლის ინფრასტრუქტურული პროექტი მიმდინარეობს
მარნეულის მუნიციპალიტეტის მერი დაურ ისმაილოვი სოფელ შაუმიანში სასმელი წყლის ინფრასტრუქტურული პროექტის მიმდინარეობას გაეცნო.
პროექტის ფარგლებში მოეწყობა ახალი სასმელი წყლის ჭაბურღილი, 2 250 გრძივი მეტრი მაგისტრალური მილსადენი, აშენდება 150 კუბური მეტრის მოცულობის რკინა-ბეტონის რეზერვუარი და საქლორატორო ნაგებობა. პროექტი სოფლისთვის სასმელი წყლის დამატებითი წყაროს შექმნასა და წყალმომარაგების სისტემის გაუმჯობესებას ითვალისწინებს.
პროექტის ღირებულება: 438 395 ლარი
დაფინანსება: მარნეულის მუნიციპალიტეტის ადგილობრივი ბიუჯეტი
პროექტის დასრულების შემდეგ შაუმიანის მოსახლეობა გაუმჯობესებული და უფრო სტაბილური წყალმომარაგებით ისარგებლებს.
