ილია II-ის მისასალმებელი სიტყვა ჟურნალ “თეოლოგიის“ 100 წლისთავისადმი მიძღვნილ საერთაშორისო კონფერენციაზე (თესალონიკი, 2025)
სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ საღვთისმეტყველო ჟურნალ „თეოლოგიის“ დაარსების 100 წლისთავთან დაკავშირებით გამართულ II საერთაშორისო კონფერენციაზე (თესალონიკი, 29 სექტემბერი – 1 ოქტომბერი) მიმართვა გააკეთა.
🔹 პატრიარქმა მიმართვა ქრისტესმიერი სიყვარულით დაიწყო და მადლიერება გამოხატა ღონისძიებაში მონაწილე ეკლესიისა და აკადემიური წრეების წარმომადგენელთა მიმართ.
🔹 სიტყვაში განსაკუთრებულად შეაფასა ჟურნალ „თეოლოგიის“ როლი მართლმადიდებლური სამყაროსთვის, როგორც ერთ-ერთი ავტორიტეტული საღვთისმეტყველო გამოცემისა, რომელიც საუკუნის განმავლობაში ცოდნისა და სულიერების მნიშვნელოვან კერად ჩამოყალიბდა.
🔹 კონფერენციის თემის – „მართლმადიდებლური თეოლოგია და ტექნოლოგიის ონტოლოგია“ – შეფასებისას აღნიშნა, რომ თანამედროვე ტექნოლოგიური პროგრესი, განსაკუთრებით ხელოვნური ინტელექტის განვითარება, ერთდროულად სარგებლისა და საფრთხის მატარებელია.
🔹 ხაზი გაესვა ეკლესიის როლს, როგორც სწორი სულიერი ორიენტირის მიმცემი ცენტრის, რომელიც თანამედროვე ტექნოლოგიების ფონზე უნდა დაეხმაროს ადამიანებს სიკეთისა და ბოროტის გარჩევაში, რათა მათ სულიერი გზიდან არ გადაუხვიონ.
🔹 პატრიარქმა მიმართვის ბოლოს მადლობა გადაუხადა საბერძნეთის ეკლესიას, ჟურნალის ხელმძღვანელობასა და კონფერენციის ორგანიზატორებს, იმედით, რომ კონფერენცია ხელს შეუწყობს ეკლესიის პოზიციის განმტკიცებას ტექნოლოგიური ერის გამოწვევებთან მიმართებით, და სარწმუნოება დარჩება სიცოცხლის გზის მთავარ ორიენტირად.
📖 „მართლმადიდებლური სწავლება… მეცნიერებასთან დიალოგითა და ტექნოლოგიების გონივრული გამოყენებით, უნდა იქცეს კაცობრიობისათვის სწორი და უსაფრთხო მომავლის გზის მაჩვენებლად.“
✝ ილია II
სრულიად საქართველოს კათოლიკოს-პატრიარქი
მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი