ეკონომიკურ ფორუმზე ტრამპის გამოსვლის შემდეგ ნავთობის ფასი შემცირდა

 ტრამპმა საუდის არაბეთსა და OPEC-ს ნავთობის ფასის შემცირებისკენ მოუწოდა. მან ასევე აღნიშნა, რომ საუდის არაბეთი და OPEC ნავთობის მაღალი ფასების გამო უკრაინაში მიმდინარე ომზე არიან პასუხისმგებელნი.

Reuters-ის ინფორმაციით, აშშ-ის West Texas Intermediate (WTI) ნავთობის ფასი 56 ცენტით დაეცა, ანუ 0.74%-ით, და ერთ ბარელზე 74.88 დოლარს შეადგენს, ხოლო Brent-ის ნავთობის ფიუჩერსების ფასი 44 ცენტით შემცირდა, ანუ 0.56%-ით და ამჟამად ბარელზე 78.56 დოლარია.

OANDA-ს ბაზრის უფროსი ანალიტიკოსის, კელვინ ვონგის თქმით, “ნავთობის ბაზარზე მოკლევადიან პერსპექტივაში შესაძლოა მეტი არასტაბილურობა და ფასების ვარდნა ვიხილოთ, რაც ტრამპის ადმინისტრაციის სავაჭრო ტარიფების პოლიტიკის გაურკვევლობით და აშშ-დან ნავთობის მომარაგების მოსალოდნელი ზრდით იქნება გამოწვეული”.

Reuters-ის ცნობით, ნავთობის ფასი მსოფლიო ეკონომიკურ ფორუმზე აშშ-ს პრეზიდენტის, დონალდ ტრამპის გამოსვლის შემდეგ შემცირდა.